Ministri i Jashtëm rus Sergei Lavrov kërcënoi Ukrainën duke thënë se “armiku” i di propozimet e Moskës për zgjidhje dhe se nëse Kievi dështon t’i përmbushë ato për mirë, ushtria ruse do ta “marrë çështjen në duart e veta dhe do të vendosë për çështjen”.
“Propozimet tona për çmilitarizimin dhe denazifikimin e territoreve të kontrolluara nga regjimi, eliminimin e kërcënimeve ndaj sigurisë së Rusisë që burojnë prej andej, duke përfshirë tokat tona të reja, janë të njohura për armikun”, tha Lavrov sipas një raporti të agjencisë TASS.
“Çështja është e thjeshtë: Përmbushni ato për të mirën tuaj. Përndryshe, çështja do të vendoset nga ushtria ruse,” shtoi ai.
Kjo vjen pasi presidenti rus Vladimir Putin tha të dielën se vendi i tij është i hapur për bisedime duke fajësuar fqinjin Ukrainë dhe aleatët e saj për mungesën e tyre.
