Emisari Special i Bashkimit Evropian për dialogun Kosovë-Serbi, Miroslav Lajçak, ka thënë se takimi me partitë opozitare në Kosovë ka qenë për t’i informuar për takimin e 18 marsit ndërmjet kryeministrit Albin Kurti e presidentit serb, Aleksandër Vuçiç.
Sipas tij, ky takim ka pasur për synim që t’i informojë partitë opozitare personalisht, teksa thotë se është përmbushur qëllimi, njofton Ekonomia online.
“Mendoj se është e rëndësishme në këtë pikë për mua të takohem me partitë opozitare dhe unë takova PDK-në, LDK-në dhe AAK-në, të cilat i informova për procesin, për pritshmëritë e komunitetin internacional”.
“Edhe ata shpjeguan pozicionet e tyre partiake. Pra, është gjithçka përgatitje e takimit të 18 marsit”.
“Është gjithashtu e rëndësishme që ta dëgjojnë nga unë dhe jo vetëm nga mediet ose parlamenti. Për mua takimet e kanë përmbushur qëllimin”, thotë Lajçak.
