Në një postim në rrjetet sociale kryebashkiaku Arbana ka njoftuar se do të jetë më pranë banorëve të Njësive Administrative Xhafzotaj, Gjepalaj dhe Maminas për të lehtësuar ardhjen e banorëve në bashkinë Shijak. Ai ka njoftuar se do të realizojë takime të drejtpërdrejta me banorët që kanë problematika të caktuara dhe presin zgjidhje nga pushteti lokal.
Postimi i plotë:
Fokusi ynë: T’i shërbejmë qytetarëve!
Për të njohur më nga afër problemet e çdo familje dhe qytetari DO TË JEM I PRANISHËM në çdo Njësi Administative për të lehtësuar ardhjen e banorëve në bashkinë Shijak, do të shkojmë ne pranë tyre.
Qytetarët meritojnë shërbimet më të mira nga Bashkia. Ata meritojnë që zëri i tyre të dëgjohet dhe problemet e tyre të zgjidhen.
Prioritet i punës time ka qenë dhe vazhdon të jetë pritja e banorëve të Shijakut për të dëgjuar vetë nga afër problemet e tyre.
Takimet me qytetarët do të jenë:
Çdo të mërkurë nga ora 10:00-12:00 do jem i pranishëm në Njësinë Administrative XHAFZOTAJ.
Çdo të enjte nga ora 10:00-12:00 do jem i pranishëm në Njësinë Administrative GJEPALAJ.
Çdo të premte nga ora 10:00-12:00 do jem i pranishëm në Njësinë Administrative MAMINAS.
Ju mirëpres!
Së bashku, për të ardhmen e Shijakut.
