Në Kosovë do të ndërtohet një memorial për fëmijët e vrarë e të zhdukur në luftën e Kosovës.
Si vazhdimësi e bashkëpunimit strategjik, Ministria e Kulturës, Rinisë dhe Sportit ka nënshkruar Memorandum Bashkëpunimi me Universitetin e Prishtinës, “Hasan Prishtina” për konsultimin dhe hartimin e dokumentit narrativ mbi memorialin e fëmijëve të vrarë dhe të zhdukur gjatë viteve 1998-1999, në Kosovë.
Pas hartimit të dokumentit do të bëhet shpallja e konkursit ndërkombëtar për projektin e memorialit të fëmijëve.
Ky proces, me ndjeshmëri të lartë, kërkon një analizë të thellë që rezultati të jetë dinjitoz dhe proporcional me qëllimin.
Memoriali është vendim i Qeverisë së Kosovës, përmes të cilit do të nderohet dhe lartësohet kujtimi për fëmijët e vrarë dhe të zhdukur gjatë luftës.
