Sulmuesi i Lazios, Miroslav Klose ka qenë pranë kalimit te Barcelona 6 vjet më parë. Pohimi vjen nga agjenti i gjermanit, në ditën kur ai mori çmimin për “fair play” nga gazeta “El Mundo Deportivo” në Barcelonë.
“Klose mund të kishte firmosur për klubin katalanas në disa raste dhe në vitin 2007 ishte shumë pranë”, tha Alexander Schutt duke iu referuar verës kur lojtari u largua nga Werder Bremen.
Klose, i cili për momentin është i dëmtuar, u vlerësua me çmimin e “fair play”, pasi pranoi para arbitrit në fillim të sezonit se në golin kundër Napolit e preku topin me dorë.
