Kim Kardashian ka ende shpresë për një martesë të suksesshme. Ylli i ‘Keeping Up With the Kardashians’ foli për jetën e saj të dashurisë në The goop Podcast këtë javë, ku u shpreh se pavarësisht tre martesave të dështuara, ajo ende ëndërron të jetë e lumtur përgjithmonë.
“Unë e kam këtë fantazi në kokën time, hera e katërt është një bukuri. Do të funksionojë“, tha Kardashian.
Kardashian finalizoi divorcin nga bashkëshorti i saj i tretë, Kanye West, në nëntor. Para West, Kardashian ishte e martuar me Damon Thomas dhe Kris Humphries. Ajo gjithashtu ka katër fëmijë me West, vajzën 9-vjeçare North, djalin 7-vjeçar Saint, vajzën 4-vjeçare Chicago dhe djalin 3-vjeçar Psalm.
“Ndjehem sikur sinqerisht martesa ime e fundit ishte martesa ime e parë e vërtetë. E para, thjesht nuk e di se çfarë po ndodhte, e dyta ndjeva sikur doja të martohesha shumë sepse të gjithë miqtë e mi ishin në atë vend… dhe nuk e pranova që thjesht nuk ishte aty ku isha”, shtoi ajo.
Kardashian vazhdoi, duke thënë se tani ndihet sikur është gati të marrë kohën e saj me një marrëdhënie të re, e ndarë nga presioni social apo personal.
“Do të isha në rregull edhe për një partneritet të përjetshëm. Kam shumë të dashura që janë martuar, nuk e pëlqejnë eksperiencën, apo përfundimin e saj dhe nuk dua ta kaloj më“, tha Kardashian.
Në fillim të këtij viti, Kardashian u nda nga Pete Davidson pas nëntë muajsh lidhje.
