Kandidati i koalicionit ‘Bashkë Fitojmë’ për bashkinë e Durrësit, Igli Cara është ndalur sot në tregun e fruta-perimeve të qytetit, ndërsa theksoi se fuqia blerëse ka rënë.
Në një reagim në ‘Facebook’ Cara tha se ndryshimi nuk është thjesht dëshirë e përbashkët, por domosdoshmëri.
“Te tregu i fruta-perimeve të qytetit, ku produktet nuk mungojnë, por fuqia blerëse ka rënë ndjeshëm.
Ndryshimi nuk është thjesht dëshirë e përbashkët, por domosdoshmëri, me synimin për të përmirësuar ndjeshëm cilësinë e jetesës së çdo qytetari të Durrësit, qoftë tregtar ose konsumator.
Në 14 Maj bashkë bëjmë ndryshimin!
Qyteti je ti!”, shkruan Cara.
