Home Politike Ish-ambasadori Neshoi drejtohet Ramës: Politika juaj ka devijuar, kokën e ke në...

Ish-ambasadori Neshoi drejtohet Ramës: Politika juaj ka devijuar, kokën e ke në Bruksel e bishtin në Anadoll

Ish-ambasadori Agim Nesho ka provokuar kryeministrin Rama duke i thënë se në këto 7 vite politika e tij e jashtme ka devijuar, aq sa perceptohet sikur “kokën e ka në Bruksel dhe bishtin në Anadoll. Ai e ka pyetur Ramën nëse do të vazhdojë me politikën e tij anadollake, ndërsa kryeministri i është përgjigjur se është meritë e Partisë Socialiste dhe e kësaj qeverie që Shqipëria ka më në fund politikë të jashtme, drejton OSBE-në dhe ka një reputacion të madh.

“Politika juaj ka devijuar, perceptimi është se kokën e keni në Bruksel dhe bishti në Anadoll. Në opinioni shqiptar mbeteni në kabinën mbrapa të Presidentit Erdogan në urën që mban emrin e sulltanit që ka bërë Perandorinë Otomane.Do e vazhdoni politikën uaj anadollake?”, e pyet Nesho.

“Është nder i madh të jesh në sediljen e pasme dhe të kesh shofer presidentin e Turqisë. Nuk isha në karroceri, isha në sediljen e pasme. Politika e Jashtme e Shqipërisë e bërë më metodën “mbuloji dhe bëj sikur nuk i shikon” dhe “uli pantallonat se ke pelevrekë poshtë” e bërë gjithë këto vite nuk është më. Prej 7 vitesh Shqipëria ka politikë të jashtme. Falë nesh drejton OSBE-në, dhe ka një reputacion të madh. Politikë të Jashtme dinjitoze ku shqiptarët ulen në cdo tavolinë pa komplekse nuk ka pasur më përpara.”, ka thënë Rama.

SOURCEBulevard News
Previous articleDerri dhe gomerët
Next articleArben Malaj flet për qeverinë Rama: Janë drejt një dështimi të suksesshëm!