Një zjarr i madh ka përfshirë një fabrikë në Indi duke vrarë 43 punëtorë.
Zjarri shpërtheu në ndërtesën katër-katëshe të fabrikës në Nju Dehli. Të paktën 100 persona ishin brenda fabrikës, e cila kryesisht prodhonte çanta shkollore.
Kryeministri Narendra Modi e quajti zjarrin “të tmerrshëm” dhe i dërgoi ngushëllimet e tij familjarëve.
Mediat lokale raportojnë se u arrestua pronari i fabrikës, i quajtur si Rehan.
Rreth 60 persona u shpëtuan, ndërsa një zjarrfikës u përshëndet si “hero” pasi shpëtoi 11 persona – pavarësisht se pësoi lëndime vetë.
