Home Sport Fitimet e Katar 2022 kalojnë ato të Rusi 2018

Fitimet e Katar 2022 kalojnë ato të Rusi 2018

FIFA ka shitur të gjitha kategoritë e saj të inventarit dhe sponsorizimeve për Kupën e Botës. Lista përfshin shtatë partnerë dhe shtatë sponsorë të FIFA-s, së bashku me promovues kontinentalë nga pesë rajonet e biznesit të FIFA-s: Evropa, Azi-Paqësori, Lindja e Mesme dhe Afrika e Veriut, Amerika Veriore dhe Jugore.

Reagimi ekonomik është pozitiv. “Biznesi në rënie? Jo, ne i kemi shitur të drejtat audiovizive për 200 milionë dollarë më shumë se në Botërorin pararendës të Rusisë, një shumë që përsëritet në sponsorizim. Sa iu përket biletave, një shifër shumë e ngjashme përsëritet gjithashtu.

‘Katar 2022’ do të thotë rreth 700 milionë më tepër se Botërori i kaluar. Bota beson te FIFA dhe në atë që ne kemi bërë për të pastruar FIFA-n”, – komentoi Infantino. Romy Gai, Shef i Divizionit Tregtar të FIFA-s, nënvizoi:

“Kupa e Botës iu ofron bashkëpunëtorëve tanë komercialë mundësi të paprecedentë për ndërveprim. Gjatë periudhës së garës, partnerët kanë nisur tashmë një shumëllojshmëri të gjerë aktivizimesh dhe iniciativash të nivelit të parë me fansat. Ne do të vazhdojmë të punojmë ngushtë me ta për t’i ndihmuar të përmbushin objektivat e tyre duke rritur përvojën e Kupës së Botës”.

Previous articleEdi Paloka pas “marrjes” së Kryeministrisë: Më 6 dhjetor do jemi paqësorë, por mos mendoni se do ikim me vrap
Next article“Do përdoren në Ukrainë”/ Arrihet marrëveshja Iran-Rusi, Teherani do ndihmojë Moskën të prodhojë raketa