Ku do të ndalet? Pas mungesës në Kupën e Botës, për shkak të moskualifikimit të Norvegjisë, Erling Haaland u largua si të gjithë para pushimit. Pas golit të tij kundër Liverpoolit në Kupën Carabao javën e kaluar ( 3-2), sulmuesi shënoi sërish dy herë të mërkurën kundër Leeds ( 3-1). Dhe shfrytëzoi rastin për të shkruar emrin e tij në historinë e Premier League.
Duke regjistruar arritjet e tij të 19-të dhe të 20-të, pas vetëm 14 ndeshjeve të luajtura në kampionatin anglez, norvegjezi theu një rekord të ri. Ai u bë lojtari më i shpejtë në kohë, duke kaluar pikën historike të 20 golave në Premier League dhe rrëzuar nga ‘froni’ Kevin Philipps.
Ish-lojtarit të kombëtares angleze (8 ndeshje) të Sunderlandit, iu nevojitën 21 ndeshje për të arritur këtë prag në vitin 1992. Shtatë më shumë se mankuniani, i cili kishte shënuar 11 gola në shtatë ndeshjet e tij të para në fushat angleze. Dhe hendeku është edhe më i madh me Mohamed Salah, Harry Kane ose Sergio Agüero, titullarët e viteve të fundit në Kanal.
Mesatarja joreale e golit
Këto shifra të çmendura i japin atij një tjetër rekord prestigjioz: atë të mesatares së golit më të mirë. Norvegjezi ka një raport 1.43 për ndeshje dhe shënon çdo 56.5 minuta. Shifra që sigurisht duhen vënë në perspektivë, duke pasur parasysh numrin e ulët të ndeshjeve, por që mbeten elokuente, në funksion të diferencës së madhe me sulmuesit më të spikatur në historinë e futbollit anglez. Dhe Haaland nuk ka ndërmend të ndalet me kaq.
“Isha në shtëpi, i mërzitur që nuk luaja në Kupën e Botës,- shpjegoi ai pas fitores. – Të shikoja lojtarët e tjerë që shënonin dhe t’i jepnin skuadrave të tyre fitoren, më zhgënjeu.
