Home Kronika Ekzekutimi i Prek Tonajt në Shkodër/ Policia shoqëron në komisariat 10 persona!...

Ekzekutimi i Prek Tonajt në Shkodër/ Policia shoqëron në komisariat 10 persona! Autori hyri i vetëm në lokal, i dha një mesazh 47-vjeçarit para vrasjes

Më shumë se 10 persona janë shoqëruar nga Policia e Shkodrës në lidhje me vrasjen e 47-vjeçarit Prek Tonaj mbrëmjen e kaluar. Burime pranë Policisë së Shkodrës bëjnë me dije se personat e shoqëruar kanë qenë present në lokalin ku u vra 47-vjeçari dhe mund të kenë dijeni për autorin.

Sipas burimeve dhe dëshmive të mbledhura, në vendin e ngjarjes mësohet se autori ka hyrë i vetëm në lokal. Autori raportohet se mbante një kapele ndërsa i është afruar 47-vjeçarit Prek Tonaj, duke përmendur një emër, që sipas grupit hetimor mund të jetë emri mbi të cilin është kryer vrasja.

Më pas, autori është larguar me një person tjetër i cili e priste në hyrje të lokalit. Policia dyshoh se vrasja ka ndodhur për gjakmarrje, për shkak të së shkuarës së viktimës i cili kishte problem hasmërie.

Gjatë ditës së sotme pritet që grupi hetimor të marrë në pyetje edhe familjarë të viktimës të cilët mund të hedhin dritë në lidhje me konfliktet e mundshme të Prek Tonajt.

Ky i fundit, prej disa vitesh është përgjegjës në Ujësjellësin për zonën e Njësisë Rrethina, ndërkohë që nuk është se fshihej nga frika e gjakmarrjes.

Atentati me armë zjarri mbrëmjen e kaluar ka rezultuar fatal për 47-vjeçarin Prek Tonaj në fshatin Grudë e Re në Shkodër. 47-vjeçari, punonjës i Ujësjellësit të Shkodrës është qëlluar me breshëri kallashnikovi duke gjetur vdekjen e menjëhershme nga një person ende i paidentifikuar. Viktima, mësohet se ka lënë pas 4 fëmijë. Pista kryesore e hetimeve është gjakmarrja.

Previous articleA është manipuluese natyra njerëzore?
Next article“Furtunë” shkarkimesh në Vlorë, lëvizje te ISHSH dhe te Kufiri, priten ndryshime