Home Politike Edi Paloka pas “marrjes” së Kryeministrisë: Më 6 dhjetor do jemi paqësorë,...

Edi Paloka pas “marrjes” së Kryeministrisë: Më 6 dhjetor do jemi paqësorë, por mos mendoni se do ikim me vrap

Opozita do të ketë angazhim të plotë për të organizuar një tjetër protestë masive ditën kur në Tiranë do të zbresin krerët e lartë të BE.

Edi Paloka shprehet se qëllimi do të jetë sjellja në vëmendje të krizës ekonomike dhe nivelit të korrupsionit.

Paloka: Me 6 dhjetor do të protestojmë pro BE-së dhe kundër atij për të treguar se nuk pranohemi me një qeveri anti shqiptare dhe anti evropiane.

Kujtojmë që Edi Paloka kishte premtuar para protestës së 12 nëntorit, se do merrnin Kryeministrinë.

Por duke qenë se as tentuan që ta bënin këtë gjë, jo më ta bënin, tani thotë se më 6 dhjetor protesta do të jetë paqësore.

Edi Paloka premton se tubimi do të jetë paqësor, por kërkon që policia të mos provokojë.

Paloka: Nuk jemi nga ata që ikim me vrap.

Një tjetër lidhje kryetari i Këshillit Kombëtar të PD e bën edhe me seancën e ashtuquajtur të vulës së kësaj force politike, madje duke akuzuar edhe Enkelejd Alibeajn.

Paloka: Një kryeministër që kontrollon drejtësinë ka urdhëruar me bashkëpunimin e deputetëve të PD-së, me Alibeun, me shpresë se duke qenë edhe gjyqi në këtë datë të Samitit dhe ne të prisnim si të mbaruar atë që do të vendoste Rama për opozitën.

Paloka shprehet i bindur për pjesëmarrjen në zgjedhjet e 14 majit, po aq sa thekson dhe mbrojtjen e votës.

Paloka: Me 15 maj nëse do të shihen akte të tilla në 14 maj do të reagohet sepse këtu po vendoset diktatura.

Kreu i Këshillit Kombëtar nënvizon se pavarësisht skepticizmit të tij për procesin e primareve, në përfundim anëtarësia do të jetë e bashkuar dhe se kandidatët do të jenë të fortë.

Previous articleProtesta e 6 dhjetorit/ “Evropa do na respektojë më shumë”, analisti Burimi për Portin e Durrësit: Skandal, gjysma e buxhetit do harxhohet për…
Next articleFitimet e Katar 2022 kalojnë ato të Rusi 2018