Kryeministri Edi Rama ka vendosur të shpenzojë 5 milionë euro për rikonstruksionin e vilës qeveritare nr.5. Dokumenti nga Drejtoria e Shërbimeve Qeveritare tregon se është finalizuar procedura e prokurimit me negociim, pa shpallje paraprake të njoftimit të kontratës.
Objekti i kontratës, siç shihet në dokument, është “zbatimi, projekt rivitalizimi i rezidencës qeveritare vila nr. 5”, ndërsa fondi limit i këtij tenderi është plot 499.696.978 lekë pa TVSH, ose me TVSH, 5 milionë euro.
Punimet pritet që të kryhen brenda një periudhe kohore prej 6 muajsh, ndërkohë që fituese është shpallur firma “Ad-Star”.
