Shefi i delegacionit të Bashkimit Evropian në Serbi, Vincent Degert, konsideron se në qershor do të përcaktohet data për fillimin e negociatave për pranim të Serbisë në BE.
“Besoj se në qershor, kur vendoset për fillimin e negociatave, mendimi do të jetë pozitiv dhe se Serbia do t’i plotësoj kriteret e njohura”, u tha sot Degert gazetarëve në Beograd.
Sipas vlerësimit të tij, rënia e mbështetjes së qytetarëve për hyrjen e Serbisë në Bashkimin Evropian, është pasojë e vendimeve për lirim në Tribunalin e Hagës dhe shtyrja e vendimit të BE-së për përcaktimin e datës për fillimin e negociatave për pranim të Serbisë në BE.
“Mosdurimi dhe zhgënjimi është reflektuar në numra, ashtu sikur kriza ekonomike në BE dhe Serbi”, tha Degert.
