Debutimi i Lionel Messit me Inter Miami në Kupën e Ligave ishte emocionues nga fillimi deri në fund. Po aq sa vorbulla që iu bë MLS dhe botës së futbollit në përgjithësi, që nga nënshkrimi i kampionit të Botës, me skuadrën në pronësi të Jorge Mas dhe David Beckham.
Kjo ditë nisi, me takimin e argjentinasit në tribunë me një tjetër të madh në kulmin e legjendës së tij, basketbollistin LeBron James, me të cilin shkëmbyen fjalë dhe një përqafim të madh që u bë virale, sapo u përhap në rrjete.
Messi hyri si zëvendësues kur ndeshja ishte 1-0 me golin e shokut të tij të skuadrës Robert Taylor, por më pas Cruz Azul arriti të barazonte rezultatin. Inter Miami u lodh duke krijuar raste, përpjekje që u shpërblye pothuajse në fund të lojës me një gol të mrekullueshëm nga një goditje dënimi, që tashmë është historia e gjallë e futbollit amerikan.
Dhe këtu Leo iu rikthye bujarisë: ylli argjentinas ia kushtoi golin dhe lojën shokut të tij të skuadrës Ian Fray, i cili u largua nga fusha për shkak të një dëmtimi, përballë shqetësimit të dukshëm nga të gjithë anëtarët e Inter Miami: “Dua t’ia kushtoj fitoren Ian-it që vuante në dhomat e zhveshjes për shkak të një dëmtimi. Ai është një djalë shumë i ri , i cili shpresoj që një herë të rikuperohet,”- u shpreh në mikrofon ylli argjentinas Messi në fund të ndeshjes.
