Kryebashkiaku Erion Veliaj ka reaguar për ndarjen nga jeta të drejtorit të drejtorisë së punëtorëve të kryeqytetit Feti Fanaj, si pasojë e infektimit nga COVID-19.
“Fetiu ishte një mik ideal, një baba i jashtëzakonshëm i Mishelit të vogël.
Nga ata njerëz punëtorë që i dha kaq shumë Tiranës, kuronte çdo ditë, me po të njëjtin pasion, çdo detaj të shkollave, kopshteve dhe çerdheve tona publike. I kudogjendur, i palodhur!
U prehsh në paqe i dashur Feti, vëlla i pazëvendësueshëm për të gjithe ne! Ngushëllime Nidës së re e nënës së tij hallemadhe, që sapo humbi edhe të shoqin.
Nuk do t’ju lëmë kurrë vetëm!”, shkruan Veliaj.
