Home Politike Çfarë po ndodh? Presidenti Begaj mbledh Këshillin e Sigurimit Kombëtar

Çfarë po ndodh? Presidenti Begaj mbledh Këshillin e Sigurimit Kombëtar

Presidenti i Republikës Bajram Begaj në zbatim të detyrimeve kushtetuese dhe ligjore ka vendosur të mbledhë Këshillin e Sigurimit Kombëtar më datë 23 Janar 2023, ora 14:00 me temë: “Analiza e gjendjes së sigurisë kombëtare dhe diskutimi i prioriteteve për vitin 2023”.

Mbledhja e Këshillit të Sigurimit Kombëtar synon që të japë një panoramë të plotë dhe integruar të gjendjes së Sigurisë Kombëtare në Republikën e Shqipërisë dhe të diskutojë prioritetet për vitin në vijim në funksion të angazhimit të plotë, gjithëpërfshirës të institucioneve në garantimin e sigurisë, lirisë dhe mirëqënies së qytetarëve.

Në mbledhjen e Këshillit të Sigurimit Kombëtar janë ftuar të marrin pjesë anëtarët e përhershëm të Këshillit të Sigurimit Kombëtar dhe të ftuar drejtues të institucioneve me rëndësi për sigurinë kombëtare.

Previous articleFotot/ Enca Haxhia lë pa fjalë ndjekësit, shfaqet joshëse me pozat e fundit
Next articleE rëndë në Elbasan, mbytet aksidentalisht në lumin Shkumbin një grua