“Crime Scene: The Vanishing at the Cecil Hotel” është dokumentari që flet me detaje për historinë e zhdukjes dhe vdekjes së 21-vjeçares Elisa Lam.
Sezoni i parë me 4 seri rreth 50 minuta, rrëfen ngjarjen dhe zbulimet e bëra, si dhe tregon misterin dhe fatkeqësitë që shoqërojnë hotelin “Cecil”.
Dokumentari u publikua sot në Netflix (10 shkurt) dhe bazohet në ngjarje dhe personazhe të vërteta.
Kanë kaluar shtatë vjet, por rrethanat e historisë së 21-vjeçares janë ende një “fiksim” i hetuesve, që shtrojnë pyetjen: “Çfarë ndodhi me Elisa Lam?”
Lam u zhduk, duke lënë çdo gjë në dhomën e saj, paratë, kartën e identitetit dhe gjithçka tjetër.
Ndërsa çështja u bë e njohur për publikun, policia lëshoi pamjet e fundit të saj, një video e frikshme dhe e çuditshme në ashensorin e hotelit.
Videoja u publikua në 2013-ën duke e përdorur internetin si një përpjekje për të zbuluar misterin.
Ndërsa çështja është mbyllur zyrtarisht, historia e vdekjes së Elisa Lam mbetet ende një pikëpyetje.
