Home Sport “Buzëqesh” Interi, ylli i zikaltërve rinovon deri në vitin 2027

“Buzëqesh” Interi, ylli i zikaltërve rinovon deri në vitin 2027

Kontrata e Hakan Çalhanoglusë me Interin skadon në qershorin e vitit të ardhshëm, por në Milanon zikaltër nuk duan t’i lënë asgjë rastësisë dhe kanë nisur tashmë tratativat për rinovimin e tij.

Palët kanë rënë dakord për kohëzgjatjen e akordit të ri mes tyre, një akord 4-vjeçar deri në 2027-ën që pritet të zyrtarizohet pas sfidës me Porton më 14 mars.

Me vullnetin e klubit dhe vetë lojtarit për të vazhduar bashkë, për të zbuluar ngelet vetëm shuma e rinovimit, pasi mesfushori pritet të ketë një rritje të ndjeshme në pagën prej 5 milionë eurosh që përfiton aktualisht, me pretendimin për të shkuar në 6 milionë euro, ashtu si liderët Barela e Lautaro.

PANORAMASPORT.AL

Previous article“Treni kishte materiale të paligjshme që shkaktuan shpërthimin”, denoncimi i rëndë për aksidentin në Greqi
Next articleTakimi me ambasadorin Hill/ Vuçiç: Themelimi i Asociacionit të komunave me shumicë serbe në Kosovë është përparësi