Kryeministrja e Serbisë, Ana Brnabiç ka deklaruar se opozita serbe është fajtore për shpalljen e pavarësisë së Kosovës. E ftuar në një emision televiziv, Brnabiç tha se opozita ka vende rezervë, ndërsa Vuçiç ka vetëm një vend. Me këtë Brnabiç ka deklaruar se tani Vuçiç ka presionin e të gjithë ndërkombëtarëve.
“Nuk është në favorin e tyre që ne po luftojmë për Kosovën, sepse ata kishin 10 vjet që luftonin për Kosovën dhe arritëm në atë pikë që Kosova shpalli pavarësinë, dhe ata njohën kufijtë, vulën, doganat. E gjithë kjo bëhet nga ata që sot pretendojnë se janë patriotë. Ata kishin kohë të luftonin për KiM-në po aq dhe ishin në pozitë më të mirë se Vuçiç, pasi Prishtina nuk e shpalli pavarësinë në atë kohë. Vuçiç e nxori fjalë për fjalë kur ajo temë mbaroi për të gjithë aktorët ndërkombëtarë,” thotë ajo.
