Kushdo që arrin në Mbretërinë e Bashkuar me një varkë të vogël do të pengohet të kërkojë azil, sipas ligjeve të reja që pritet të shpallen javën e ardhshme.
Ministrat do të kenë për detyrë të “ndalojnë dhe largojnë me shpejtësi” këdo që shkon në Mbretërinë e Bashkuar përmes kësaj rruge, tha Sekretarja e Brendshme Suella Braverman.
Kryeministri i këtij vendi, Rishi Sunak ka thënë tashmë se “ndalimi i varkave” është një nga pesë prioritetet e tij.
Kryqi i Kuq Britanik i quajti planet “jashtëzakonisht shqetësuese”. Braverman pritet të prezantojë legjislacionin e ri të martën.
Aktualisht, azilkërkuesit kanë të drejtë të qëndrojnë në vend për të dëgjuar çështjen e tyre. Sipas legjislacionit të ri, ata që mbërrijnë me varka të vogla do të pengohen të kërkojnë azil në MB, do të largohen në Ruandë ose në një “vend të tretë të sigurt” dhe do të ndalohen të kthehen përgjithmonë.
Njoftimi vjen pas disa ditëve qëkur agjenda e lajmeve është mbizotëruar nga mesazhet e rrjedhura të WhatsApp nga Matt Hancock si dhe hetimi i Boris Johnson për Partygate.
Rishi Sunak i tha Mail të dielën: “Mos bëni gabim, nëse vini këtu ilegalisht, nuk do të mund të qëndroni”.
Ai pritet të udhëtojë në Paris për një samit Mbretëri e Bashkua -Francë të premten. Takimi me presidentin Emmanuel Macron do të jetë samiti i parë MB-Francë që nga viti 2018.
