Home LifeStyle “Big Brother” dhe “Përputhen”, Lori Hoxha merr çmim nga Dhoma e Tregtisë...

“Big Brother” dhe “Përputhen”, Lori Hoxha merr çmim nga Dhoma e Tregtisë për… revolucion në media

Ndërsa prej kohësh në Shqipëri është hapur debati për shkatërrimin e televizionit, me programe të tilla si “Big Brother” dhe “Përputhen”, ka të tjerë që mendojnë ndryshe.

Dhoma e Tregtisë e drejtuar nga Nikolin Jaka, mendon se në fakt, këto programe janë një revolucion në television.

Ndaj dhe ka vendosur të nderojë me një çmim Lori Hoxhën, pronare dhe ideuese e këtyre programeve.

Lori Hoxha teksa mori çmimin “Në gjurmët e babait”, falenderoi të gjithë atë që besuan në ëndrrën dhe vizionin e Dritan Hoxhës. Trashëgimtarja e Top Channel shprehu bindjen për të vazhduar ëndrrën e të atit, duke e përshtatur me kohën ku jetojmë.

“Jam shumë e papërgatitur për këtë nder që m’u dha sonte dhe ne të televizionit nuk na pëlqejnë shumë të papriturat, dhe kur dalim jashtë skalete, mundohemi ta mbyllim shpejt se nuk duam të bëjmë gabime, duam të evitojmë çdo lloj pakënaqësie të publikut. Por nuk rri dot pa falenderuar zotin Nikolin.

Ta dija që do të flisja publikisht, do të kisha çuar thjesht një mesazh. Megjithatë, për mua është nder shumë i madh që jam mes figurave më të rëndësishme të biznesit shqiptar.

Do të doja të thosha dy fjalë. Top Channel ka nisur si një ëndërr e tim eti dhe është ndërtuar në themele shumë të forta dashurie, dashuri për punën, për familjen, por sidomos për kombin. Vizioni i tij ishte shumë i qartë, megjithatë unë mendoj se asgjë nuk arrihet pa besimin e njerëzve që ke afër dhe besimin e të gjithë shqiptarëve. Unë do të doja t’i falenderoja për besimin që i dhanë ëndrrës së babait tim, sepse ai besim është akoma shumë i fortë sot. Dua realisht t’i falenderoj, sepse besuan aq sa unë që misioni që ka Top Channel është më i madh se emri që e udhëheq.

Unë jam këtu, vetëm sepse besoj akoma në themelet në të cilat Top Channel është ndërtuar dhe jam e bindur që vizionin e tij mund ta përshtas në kohën që ne jetojmë. Po ashtu, besoj që dashurinë që ai kishte për Top Channel, e ka trashëguar më së miri tek unë.

Uroj që Top Channel të jetë po aq revolucionar sot dhe uroj të kemi njerëz afër që të na besojnë po aq shumë në të ardhmen, sa na kanë besuar deri tani dhe të besojmë te qëllimi jonë për t’i shërbyer Shqipërisë dhe për ta bërë këtë vend akoma më të mirë”, tha ajo.

Previous article10 shoferë kamionësh nga Egjipti do vijnë të punojnë në Shqipëri; Operatorët nga marsi do rrisin edhe tarifat
Next articlePërkujtohen viktimat e Holokaustit, Balla: Shqipëria ishte e para që njohu hebrenjtë, do dënojmë çdo formë të anti-semitizmit