Një person i afërt me familjen Reçi dyshohet se është personi që ka kryer atentatin me tritol ku mbeti i plagosur rëndë Preng Gjini. Të paktën kështu ka dalë nga takimi që është zhvilluar paraditen e sotme në mes prokurorëve në Prokurorinë e Tiranës dhe krerëve të Policisë së Tiranës.
Në takimin 80 minutësh mes dy palëve, është diskutuar për zbardhjen e atentatit të rëndë në mes të Tiranës, në vendin e quajtur ura e Selitës. Sipas tyre, kamerat e sigurisë në zonë kanë fiksuar një makinë e cila ka lëvizur disa herë në zonë para se të ndodhte atentati. Nga hetimet, dyshohet se personi që lëvizte me këtë makinë është i afërm i familjes Reçi, familje me të cilën Preng Gjini është në hasmëri.Ai është fiksuar dhe dyke ecur në këmbë, me kapele dhe rroba të errëta.
