Një ngjarje e rëndë tronditi ditën e sotme Elbasanin dhe mbarë opinionin publik, ku mbeti i ekzekutuar me disa plumba 50-vjeçari, Bujar Çela.
Gazetari investigativ, Artan Hoxha, ka nxjerrë detaje të reja dhe ka komentuar ngjarjen e rëndë të ndodhur mëngjesin e sotëm në Elbasan, ku 50-vjeçari Bujar Çela, u vra me breshëri plumbash.
I ftuar në studion e Abc news, gazetari Hoxha tha se ajo çfarë ka ndodhur sot në Elbasan, është një mesazh I qartë se nuk do të ketë mëshirë. Nuk do të kursehen as personat e pafajshëm.
“Vrasja e vëllait të Talo Çelës, mnënyra si u vra dhe çfarë përfaqësonte ai, apo edhe vendi ku u vra nuk ëhstë një situatë normale. Në këtë zonë nuk shtrihet hakmarrja.
Kjo ngjarje ka treguar se nuk do të ketë mëshirë. Nuk do goditen vetëm kundërshtarët, por çdo njeri i tyre.
Kundërshtarët nuk do falin as të pafajshmit”-tha ndër të tjera Artan Hoxha.
