Kreu i Partisë së Lirisë, Ilir Meta ka kujtuar sot Ditën e Dëshmorëve me një mesazh të fortë për atdheun. Meta ka qenë në Gosë të Rrogozhinës ku ka vendosur kurora me lule në nderim të Heronjve të Popullit Margarita dhe Kristaq Tutulani.
Ai shkruan se ne do t’i kujtojmë gjithmonë me nderim dhe dashuri për sakrificat më sublime që ata bënë dhe kurrë nuk do e harrojmë porosinë e Margaritës se atdheu na duhet që të jetojmë të lirë.
Mesazhi i Metes
Sot në Ditën e Dëshmorëve në Gosë të Rrogozhinës vendosëm kurora me lule në nderim të Heronjve të Popullit, Margarita dhe Kristaq Tutulani.
Ekzekutimi i tyre mizor nga pushtuesi ishte një përpjekje e dëshpëruar për të trembur rininë anembanë vendit për t’ju bashkuar Luftës Antifashiste për Liri.
Ne do t’i kujtojmë gjithmonë me nderim dhe dashuri për sakrificat më sublime që ata bënë dhe kurrë nuk do e harrojmë porosinë e Margaritës se: Atdheu na duhet që të jetojmë të lirë.
