Kreu i Bindjes Demokratike Astrit Patozi ka vizituar një biznes fason në Babrru të Tiranës ku ka shpalosur programin sa i përket mbështetjes që synohet të ofrohet kësaj industrie.
Disa nga detajet e takimit ai ka zgjedhur t’i postojë në rrjetin social Facebook ku shkruan:
“Me Alba Dervishin shkuam sot në një ndërmarrje fasone në Babrru të Tiranës.
Bindja Demokratike mbështet fort biznesin dhe ata që mbajnë familjet e tyre me djersën e ballit dhe me punë të ndershme.
Ne kemi planin tonë për Shqipërinë normale, i cili i jep prioritet kësaj industrie dhe punonjësve që e kanë të lidhur jetën e tyre me këtë profesion.
Ne duhet ta detyrojmë qeverinë t’i kthejë sytë tek ky lloj biznesi, i cili mban me punë dhe me të ardhura mijëra familje.
Le t’i zgjedhin vetë përfaqësuesit e tyre në parlament, nëse duan që zgjidhja e problemeve të vijë më shpejt.Alba Dervishi është sipërmarrësja, që e ka lidhur jetën e saj me industrinë fasone”, nënvizon Patozi.
