Ish-kryeministri Sali Berisha ka hedhur akuza ndaj Ministrit të Drejtësisë, Ulsi Manja duke thënë se ai arrestoi kryebashkiakun e Bulqizës, Lefter Alla për t’i bërë qejfin Ministres së Infrastrukturës, Belinda Balluku.
Berisha deklaroi se Arben Ahmetaj nuk do jetë i fundit nga rradhër e PS-së që do hetohet.
“Arreston Lefterin për ti bërë qejfin Belindës, se Belinda është bërë kryeministre tani, e di gjithë Dibra. Ti ministër Drejtësie çfarë bën që firmos çdo firmë Ramës, edhe kur nuk firmos vjen u bën avokatinë këtu. Arreston Lefterin për ti bërë qejfin Belindës, se Belinda është bërë kryeministre tani, por s’të shkojnë intrigat, intrigant.
E di gjithë Dibra, absolutisht. Mos mendoni se do mbyllet me Ahmetajn. Të bëhesh i penduar i drejtësie, ke vetëm një rrugë të zbërthesh para kombit tënd të gjithë veprimtarinë e organizatës kriminale”, tha Berisha.
