Një ambulancë në Tiranë e ka mision shumë të vështirë që ta dërgojë të sëmurin sa më shpejt të jetë e mundur në spital apo për të mbërritur për t’i dhënë ndihmën e parë. Situata e rëndë u denoncua pak ditë më parë në Report Tv, dhe vetëm 1 javë më pas policia është vënë në lëvizje.
Vetëm në 2 orë aksion në ditën e sotme janë gjobitur me nga 3 mijë lekë 200 drejtues mjetesh të papërgjegjshëm. Report Tv ka siguruar edhe pamje.
Kujtojmë se Rruga “Dritan Hoxha” dhe ajo e Durrësit, janë të vetmet në kryeqytet që kanë një korsi emergjence. Por, ambulanca e ka të vështirë për të kaluar, pasi drejtues të papërgjegjshëm e përdorin atë për të lëvizur gjithashtu.
