Home Kosova A i doli pija Vjosa Osmanit, se Albini vepron si lugati natën

A i doli pija Vjosa Osmanit, se Albini vepron si lugati natën

Nga Kimete Berisha

Kur po nxehet, me ti shti ethet, si ata t’trentit me kapuç, me cigare në gojë e me shtagë në dorë, te dyer e oborrit…

Komandantja duhet ta fsheh nervozën bash kur më së shumti është nervoz, e jo të tregojë se të vetmen armë krye shpirti e ka gjuhën e gjarprit, magazinën e grindjes dhe se ka aftësi t’ia numërojë mëkatet e Evropës.

Sa herë e nguc dikush Albin Kurtin kjo çartet, e humb kontrollin si lumi kur del nga shtrati.

Albini e ka gojën e vet, ka kush e mbron Albinin.

Por kryeministri i mençur, e shfrytëzon Presidenten për t’u grindur me Evropën në vend të tij.

Presidentja duhet ta ruaj qetësinë bash atëherë kur e humbin të gjithë.

Përgatitesh për luftë me paqe në gojë. Merr mësim nga armiku.

E jo që shkruan kundër Evropës dhe i josh shqiptarët kundër Perendimit.

Nuk po të vjen inat:

Albini u pajtua (pas mesnatës me Borrelin, se e ka zanat të veprojë si lugat pas mesnatës), e ty të mbeten fjalët antievropiane varur…

Dhe pëlqimet e ekstremistëve që mezi s’presin ta kenë një prijës antiperendimor.

Shqiptarët si ai robi që ëndërron ta vras zotninë e vet…

Prej se u çliruan shqiptarët veprojnë kundër çlirimtarëve.

Se është logjika e robit.

Nuk i rrihet robit pa ëndërruar për ta mbytur zotninë e vet, anipse mund të bëhet vet zotni, askush s’e ndal…por pastaj nuk i rrihet pa mbytur…

Albin Kurti është thembra e saj e Akilit, sepse sa herë që i duket se po rrezikohet Albin Kurti, Vjosa kujton se po rrezikohet ajo.

Ka të drejtë që e lidh fatin e saj me të Albinit, sepse është e vetmuar, votat e saj janë të huazuara, vota të Vetëvendosjes, dhe pa Albin Kurtin ajo nuk ekziston…

Prandaj, edhe kur e mbron Albin Kurtin nga Evropa, kjo e mbron veten, nuk e bën që është e ndershme.

Gjithkush e di një fjalë të keqe për ta thënë, gjithkush di të shajë…

Por problemi është se nuk njoh shqiptarë që nuk thotë krejt çka di, e presidentes agresiviteti i duket virtyt.

Të jesh agresiv dhe trim nuk është njejtë. Prandaj, kur bën si trimneshë duket si e trentë.

Previous articleDeklarata e Ardjan Çapjas/ Rexhepi: I shqetësuar se klani i tij po sulmohet dhe kundërshtarët jo, Elbasani shtet brenda shtetit
Next articleBerisha-Alibeaj ‘autogol’ me Xhaçkën, qeveria shpall investitor strategjik kompaninë e deputetit të PD! A do të kërkojnë përjashtimin dhe heqjen e mandatit?