Home Aktualitet Boçi tha se ishin ndërprerë operacionet, drejtori i Spitalit të Elbasanit e...

Boçi tha se ishin ndërprerë operacionet, drejtori i Spitalit të Elbasanit e përgënjeshtron: Puna vijon normalisht

Drejtori i spitalit të Elbasanit, Agron Gaxho ka hedhur poshtë akuzat e bëra nga deputeti i PD, Luçiano Boçi lidhur me anulimin e operacioneve dhe blerjen e pajisjeve nga buxheti personal i pacientëve.

Në një reagim të bërë, ai përgënjeshtroi denoncimin e Boçit, duke u shprehur se ndërhyrjet kirurgjikale nuk janë ndalur dhe se në asnjë moment, nuk është ndërprerë puna. Mes të tjerash ai theksoi se spitalit nuk i mungojnë materialet dhe medikamentet dhe se puna vijon normalisht si çdo ditë të vitit.

Ditën e djeshme, deputeti Luçiano Boçi me anë të një postimi në facebook, shkroi se ishin pezulluar të gjith operacionet e planifikuara për shkak të mungesës së materialeve mjekësore, duke shtuar se edhe medikamentet më të thjeshta, qytetarët i blinin vetë në farmaci.

“Nga sot në spitalin rajonal të Elbasanit janë pezulluar operacionet e të gjitha niveleve të planifikuara. Rrezikohet madje dhe shërbimi i urgjencës. Nuk ka materiale e mjete mjekësore deri dhe garza e lekoplast. Situata ka degraduar sa njerëzit blejnë në farmaci dhe gjërat më elementare, siç është aparati i serumit që kushton vetëm 20 lekë. Njerëzit janë të pashpresë! Rama vazhdon shoën e radhës”, shprehej Boçi në denoncimin e bërë ditën e djeshme.

Previous articleNdërron jetë murgesha 118-vjeçare, gruaja më e vjetër në botë
Next articleTentuan të vrisnin çiftin Paluca, kush janë dy shqiptarët e arrestuar në Spanjë