Home Aktualitet 629 pasagjerë zbarkojnë në portin e Durrësit: Masat këtu, më të forta...

629 pasagjerë zbarkojnë në portin e Durrësit: Masat këtu, më të forta se në Bari

Në portin e Durrësit mëngjesin e sotëm mbërritën rreth 629 pasagjerë nga porti i Barit me tragetet Rigel dhe Azzurro.

Udhëtarët thanë së masat në portin e Durrësit janë më të forta se në atë të Barit.

“Në zonat e jugut të Italisë nuk ka panik për koronavirusin”, thanë udhëtarët.

Pas kontrolleve u janë marrë pasagjerëve edhe adresat e origjinës dhe numrat e telefonit.

Prej ditës së djeshme, Drejtoria e Përgjithshme Detare ka pezulluar transportin detar të mallrave dhe njerëzve nga Durrësi drejt Italisë së Veriut.

“Ndalohen të gjitha lëvizjet me mjetet e transportit detar nga të gjitha portet drejt Italisë së Veriut; 

Ndalohen të gjithë lëvizjet me mjetet e transportit detar të pasagjerëve dhe/ose mjeteve në Linjën Durrës-Ankona- Durrës dhe Durrës-Trieste-Durrës”, u tha në njoftim.

Gjithashtu, të gjitha mjetet e transportit detar që kanë destinacion Portet e Hapura të Republikës së Shqipërisë nuk do ju lejohet zbritja e ekuipazhit nga anija në portet përkatëse.

SOURCEBulevard News
Previous articleNuk arrihet marrëveshje mes BE-së dhe Erdoganit
Next articleMbyllja e shkollave, ministrja Shahini informacion të rëndësishëm për të gjithë maturantët: Punoni me këto dy libra për testet