Voltana Ademi ka vendosur një rregull të ri tek Bashkia Shkodër. Prej dy ditësh dyert e godinës janë të mbyllura gjatë orarit zyrtar të punës.
Mesa duket ky është bërë një problem shumë shqetësues gjë e cila ka detyruar atë të marrë masa të rrepta.
Ditën e djeshme dera e bashkisë ishte e mbyllur me qëllim që punonjësit të mos shkonin me vonesë në punë.
Ndërsa sot është përsëritur e njëjta situatë, por me qëllimin që punonjësit të qëndrojnë deri në përfundim të orarit zyrtar në punë. Mesa duket korrektesa e punonjësve në këtë bashki qënka bërë vërtet problem, aq sa drejtuesja është detyruar që t’i kyçë me dryn dhe zinxhirë.
Njëri nga punonjësit e këtij institucioni ka shkruar me ironi: “I boj thirrje familjarëve të Bashkisë Shkodër me na sjell ushqime se nuk vijmë sonte”.
Kjo gjë është parë me habi nga gazetari Klod Zhivani, i cili shkruan se “marrëzitë dhe çmenduritë në këtë vend nuk i bëjnë më përshtypje”, por për situatën e lartpërmendur nuk ka fjalë.
