Home Bota Erdogan shpall “non grata” ambasadorët e 10 vendeve perëndimore! Midis tyre SHBA,...

Erdogan shpall “non grata” ambasadorët e 10 vendeve perëndimore! Midis tyre SHBA, Gjermania dhe Franca

TURQI-Ankaraja nuk e priti mirë kërkesën e ndërkombëtarëve për lirimin e një lideri të shoqërisë civile, ndaj pasi ka thirrur për shpjegime ambasadorët e 10 vendeve perëndimore, përfshirë atë të Gjermanisë dhe Shteteve të Bashkuara, ka vendosur t’i shpallë “Persona non grata”.

Tashmë 10 ambasadorët e shteteve të ndryshme si SHBA, Francë, Kanada, Gjermani, Danimark, Holland, Finland, shteti turk ka vendosur nti shpallë “Persona non grata”.  Lajmin e ka bërë me dije vetë presidenti turk Erdogan.

Ata kishin nënshkruar apelin për lirimin e filantropistit anti-Erdogan Osman Kavala, i arrestuar prej mbi 4 vitesh. Filantropi dhe aktivisti i lindur në Paris, Osman Kavala, 64 vjeç, po mbahet në paraburgim që nga viti 2017 dhe rasti i tij është kthyer në një tjetër arsye për tensione mes Turqisë dhe Perëndimit.

Kavala përballet me një sërë akuzash të lidhura me protestat anti-qeveritare të vitit 2013 dhe një grusht shteti të dështuar ushtarak në vitin 2016, të cilat ai vetë i mohon me forcë.

Grupet e të drejtave të njeriut dhe disa qeveri perëndimore e konsiderojnë ndalimin e tij si një simbol të shtypjes që presidenti turk, Reccep Tayip Erdogan i bën kundërshtarëve.

Përmes deklaratës që acaroi Ankaranë, Kanadaja, Danimarka, Finlanda, Franca, Gjermania, Holanda, Zelanda e Re, Norvegjia, Suedia dhe SHBA-ja bënë thirrje për një “zgjidhje të drejtë dhe të shpejtë të çështjes së tij”.

Previous articleKryeministri egjiptian: Së shpejti me komision të përbashkët tregtie me Shqipërinë
Next articleHumbet kontrollin e mjetit dhe përplaset me derën e një biznesi, bie në prangat e policisë analisti i njohur