Ministria e Shëndetësisë e Uzbekistanit njoftoi sot se të paktën 18 fëmijë kanë vdekur pasi konsumuan shurup mjekësor të prodhuar nga kompania farmaceutike indiane Marion Biotech Pvt Ltd.
Në një deklaratë nga ministria e Uzbekistanit, thuhet se 18 nga 21 fëmijët që u trajtuan për një sëmundje të frymëmarrjes me shurupin indian Doc-1 Max, vdiqën pas trajtimit, raporton Reuters.
Ky shurup shitet përmes faqes së internetit të Marion Biotech Pvt Ltd., si një mjet medicinal për trajtimin e simptomave të ftohjes dhe gripit.
Shurupi Doc-1 Max përmban etilen glikol, të cilin ministria e shpalli një substancë toksike.
