Home Bota ​Bilanci i sulmit terrorist në Bagdad, 11 të vrarë

​Bilanci i sulmit terrorist në Bagdad, 11 të vrarë

Në Bagdad të Irakut, 11 persona humbën jetën si pasojë e një sulmi të kryer nga organizata terroriste DAESH.

Media lokale irakiane raportoi se pesë anëtarë suni pjesëtarë të Hashemi Hashdi Asayiri dhe gjashtë civilë u vranë në sulmin e kryer nga organizata terroriste DAESH në rrethin Ridvaniye në perëndim të Bagdadit.

Ndërkaq qeveria irakiane ende nuk është prononcuar mbi çështjen.

Nga ana tjetër bëhet e ditur se në operacionin kundër organizatës terroriste DAESH të kryer në qendër të qytetit Kirkuk u kapën 3 terroristë.

Zëdhënësi i Policisë së Kirkukut, Amir Nuri bëri të ditur se në një bastisje në një adresë në lagjen Panxha Ali në qendër të qytetit janë kapur 3 pjesëtarë të organizatës terroriste DAESH.

Nuri bëri të ditur se gjatë marrjes në pyetje terroristët u rrëfyen se më herët kanë marrë pjesë në 13 sulme terroriste të kryera në qendër të qytetit dhe në zonat rurale.

SOURCEBulevard News
Previous articleNis seanca në Gjykatën Speciale të Hagës për Hashim Thaçin. Avokati: Seanca në Hagë u realizua pa njoftuar në kohë mbrojtjen! E vështirë për ta kuptuar pse u bë në këtë mënyrë
Next articleBasha hetoi “burgjet e UÇK”/ Eksperti i OKB: Lulzim Basha më shoqëroi mua në Kukës